Chamamento (AGAL)

Olá, isto é um breve e pragmático chamamento dumha parte da cidadania galega crítica ao conjunto da cidadania galega crítica.

É evidente que a actual conjuntura sócio-económica é grave. Nom imos perder tempo em explicar isto, é o dia a dia de tod@s nós e o dos nossos familiares, amig@s e vizinh@s.

O 21 de Outubro temos umha cita cas urnas. Segundo a maioria das enquisas publicadas até o de agora, o PP está mui perto de revalidares a sua maioria absoluta. De seguro que a maioria de nós pensamos que nom é exagerado considerar este cenário como um autêntico suicídio colectivo.

Até aqui é doado coincidirmos, mas é no intre de valorar as possíveis alternativas e estrategias para impedirmos umha segunda legislatura de Feijoo onde nascem as divergências. Nom estamos aqui para nos enguedelhar nas silvas dos debates secundários. Jogamo-nos muito e há pouco tempo. Melhor roça-la silveira para chegarmos à raiz, o mínimo comum denominador que nos une: Deter, ou alomenos frear, o desmantelamento do País que o neoliberalismo está a executar através do PP

Para isso propomos algo singelo:

  1. O 21 botamo-los.
  2. O 22 iniciamos a fiscalizaçom dos novos que entram.

Para acadarmos o primeiro dos objectivos só temos umha via: que a maioria da cidadania crítica galega vaiamos votar/botar o 21-O. Sem entrar em consideraçom de a quem, o nosso mínimo comum denominador é claro: desalojar o PP das nossas instituiçons. A nossa arma também: a nossa participaçom.

Somos conscientes que umha vez conseguido este primeiro objectivo os nossos problemas nom vam desaparecer por arte de magia. Há muito por melhorar nos partidos à esquerda do PP mas também nos nossos hábitos democráticos como sociedade. Há ser só com umha efectiva fiscalizaçom por parte nossa das acçons do novo governo que havemos solucionar entre tod@s muitos destes problemas. Mas isso a partires do 22 😉

Para rematar este chamamento só nos fica convidar-vos a Participar.
Como?
Só temos que conseguir que “o votar para bota-
los” chegue ao maior número possível de pessoas.

O futuro está por construir.
Força e inteligência colectiva!

2 comments

  1. Pingback: Botámolos
  2. Pingback: El voto con botas » Blog Archive » Si votamos, botámolos

que contas?

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s