Señores del ABC
Xa tardaban. Despois da sua participación na anterior campaña co affaire do iate, o panfleto madrileño das grapas volta de novo ao “ataque”.
Non imos a gastar un só segundo en lembrarlles que o bipartito non goberna desde o 2009.
Somente queremos comentarlles unha cousiña:
Adhesivos
Até o de agora van só publicados cartaces, mais existe outro soporte tamén moi efectivo á hora de difundir mensaxes no mundo real: os adhesivos.
Nesta primeira quenda deixamos para quen goste, as versións adhesivas dos cartaces que levamos feito.
E como facemos para pasalos do virtual ao físico?
Sinxelo:
- Primeiro é conseguir papel adhesivo (tamaño A4, “folio”). Véndeno en calquera papelaría ou copistaría.
- Despois imprimir nunha impresora normal, como quen imprime un mail.
- De seguido cortar pola liña de puntos cunha tesoira. Se vos decides por facelo cun cúter, mellor utilizade un listón de madeira ou unha regra metálica para cortar rectiño, e o mais importante, mételle debaixo un cartón groso ou un xornal vello se non queres deixar a mesa feita un cristo 😉
- Et voilà, velaí temos os nosos adhesivos listos para pegar!
Tamén podemos ir que nolos impriman na copistaría, mas non é o mesmo…
Longa vida ao DIY!
Tesoiradas (aka RECORTES)
Recortar foi a actividade máis salientábel de Feijóo e os seus nesta lexislatura.
Recortar será a súa única actividade se volven gañar.
Xa que lles prestan tanto as tesoiras, o domingo imos mandalos facer algo mais produtivo 😉
Cola este cartaz por aí
e o 21-O bota!
Graciñas ás filhas pola achega 😉
Imos quedar na casa?
Son tantos os motivos para botalos que parece incríbel que alguén pense en ficar na casa o 21-O.
Como medida preventiva, daquí ao domingo imos recordarllos aos nosos familiares, amig@, veciñ@s, compañeir@s do choio, xente no bar, etc.
Desde aquí deixámosvos unha pequena axuda a xeito de cartaz. Se vos presta podédelo pegar onde mellor vos pareza: no voso muro de facebook, na uni, no choio, no bar, na biblioteca… Canta mais xente recorde mellor! 🙂
E se precisamos lembrar mais motivos, podemos visitar esta boa e completa web.
Feijoo bo xa temos un
Buscando fotos en internet do noso actual presidente atopamos un gravado no que aparecía outro Feijoo. Pensándoo ben, á hora de elexir mellor ficar co clásico, non si?
O cartaz é de tod@s, se queres imprímeo e pégao onde mais che preste.
Oe, Feijoo é do PP!
Unha das cousas que máis chama atención da campaña do PP galego para as eleccións do 21-O é a evidente estratexia de afastamento con Rajoy e as súas duras políticas de recortes, polémico parche branco incluído.
Se cadra deberíamos lembrar que Feijoo e Rajoy son diferentes caras dunhas mesma agresión.
Se queres facerllo lembrar a mais xente imprime e pega o cartaz onde mais che preste 😉
Olá
O 21 de outubro a cidadanía galega ten unha cita cas urnas.
Varias enquisas indican que o PP ten moitas posibilidades de revalidar a súa maioría absoluta.
Sen entrar a valorar se son máis ou menos acertadas, para nós este hipotético escenario resulta desesperanzador. Por isto é que lanzamos un chamamento ao resto da cidadanía galega crítica.
Se coincides con nós non dubides en participar na difusión desta campaña a prol do voto/boto.
Non hai reglas prestablecidas.
A nosa imaxinación é a arma mais forte
Habilitamos unha páxina con material gráfico. Facede uso del do xeito que prefirades, tanto as imaxes como os textos deste blog están cedidos ao dominio público.
Os comentarios, críticas e achegas son benvidos. Podes contactar connosco a través dos comentarios dos post ou ben escribíndonos a botamolos(arroba)hotmail.com